Менаџмент-маркетинг

Игра на зборови

menadzmentmarketing — Sun, 05 Feb 2012 20:07:39 +0000

Еден човек влегува во продавница за бои. Го прашува продавачот:

“Здраво, зелена боја мат имат? “

-А тој му одговара:

“Мат немат, имат не мат.

Купувачот се збунува: “Сеа шо имат шо немат?”

-И го добива следниот одговор: “Немат мат, имат не мат! “

Продадете за да му помогнете на купувачот

menadzmentmarketing — Sun, 05 Feb 2012 15:35:49 +0000

Тука ќе ви пренесам еден извадок од книгата “Библија за продажба” од Џефри Гитомер:

**Ако продадете, ќе добиете провизија. Ако се спријателите може да добиете цело богатство. Во продажбата парите не се прават, парите се заслужуваат. Помогнете им на вашите купувачи да изградат, победат, произведат и да профитираат- и ќе ја заслужите продажбата. Заслугата ќе ви донесе лојални купувачи што ќе ве препорачуваат на други и кои ќе имаат желба да ви дадат сведоштва за вашата вредност.

Докажете. Едно сведоштво вреди колку илјада вештини на убедување. Тоа е вистински доказ за тоа кои сте и што правите. Сведоштвата можат да ги надминат забелешките милион пати повеќе од најдобриот продавач на светот. Видеосведоштва. Има ли подобар доказ? Можете ли да дадете подобар одговор? Сведоштвата продаваат онаму каде што продавачите не успеваат. Видеосведоштвата можат да се употребат во рекламна кампања, на Интернет, со понуди, во вашата презентација и за да се заклучи продажбата. Сведоштвата се доказ дека сте тој што се преставувате дека сте, и дека вашиот производ или услуга ќе функционираат онака како што велите дека ќе функционираат. За почеток, најдете видеокамера. Јавете им се на вашите пет најдобри купувачи. Кажете им дека би сакале да ги посетите. Донесете ручек. И снимајте ги по неколку минути зошто ве одбрале вас и зошто го одбрале вашиот производ или услуга. Сведоштвата нека бидат конкретни. Вашите купувачи нека зборуваат на теми, како цената наспроти вредноста, зголемување на продуктивноста, префрлување од конкурентот на вас. Или, некоја специфична пофалба што вашата компанија ја добива на дневно ниво, како на пример брзината на одѕив или способноста на вашите сервисери. Штом ќе ги соберете сите видеоклипови, употребете софтвер за видео за да го направите видеото штосно. Конечниот производ нека не биде подолг од 5 минути. Можеби ќе ви биде чудно на почетокот, но штом ја согледате неговата моќ, ќе ви стане неразделен дел од вашиот продажен процес. ** И на крај ставете го на вашата интернет страница

Во досегашните истражувања на фирмите во Македонија не забележав на нивните вебстрани користење на ваков тип на промовирање на своите производи во најдобро светло. Можеби треба да се проба.

Маркетинг и Веб 3.0

menadzmentmarketing — Fri, 27 Jan 2012 21:30:20 +0000

Разговарајќи со повозрасните како било порано, како дознавале за новите производи што излегуваат на пазарот, тие рекоа дека тоа го дознавале преку меѓусебна комуникација со пријатели и роднини, понекогаш весник и нели ретко преку ТВ и радио приемниците. Но најчесто било преку пофалбите што ги слушале од задоволните потрошувачи. Добро тогаш и немало некој голем избор на производи, варијации од еден производ како тоа што ние денес го имаме, па може и немало толку потреба од реклама. Денес навистина ни е многу лесно да ги доближиме производите до одредена група на потрошувачи што сакаме. Има многу начини за тоа, а еден од најлесните е секако преку користење на интернет услугите сега тоа што се нарекува Веб 3.0 семантичка џунгла

Навистина на почеток интернетот служел само за да се добијат некои информации без учество и интеракција на луѓето, потоа се развил преку социјалните мрежи кои овозможуваат брза комуникација и размена на информациите од секаков вид. Токму тие социјални мрежи се позитивниот бум што го почувствуваа бизнисите, тие социјални мрежи како Facebook ( иако ми е многу смешно самото име, сепак е доста корисно), Youtube, Skype и сл. овозможија економијата да се развива без да има некои посебни големи трошоци. Тие се лесно употребливи алатки кои скоро секој може да ги користи. Веб 3.0 е уште повисок степен на развој на интернетот на тој начин што се создава мост проводник помеѓу реалниот и виртуелниот свет, уште повеќе ги олеснува интеракциите помеѓу луѓето т.е. човек-човек и човек-машина. Поточно едноставна поврзаност помеѓу телевизија, мобилни телефони со компјутерите. Еден пример ќе земам за QR кодовите кои овозможуваат тоа што се гледа во реалниот свет да се преведе во виртуелниот, тоа е слика која кога ја гледаш всушност не добиваш никаква инфомација се додека не ја декодираш преку телефон со соодветен софтвер за читање на такви кодови. Еве повеќе инфо за значењето на QR к. http://marketing365.blog.mk/2011/10/05/qr-%D0%BA%D0%BE%D0%B4%D0%BE%D0%B2%D0%B8-%D0%BC%D0%B0%D1%80%D0%BA%D0%B5%D1%82%D0%B8%D0%BD%D0%B3-%D0%BC%D0%B0%D0%BA%D0%B5%D0%B4%D0%BE%D0%BD%D0%B8%D1%98%D0%B0/ Еве уште едно видео кое може да ви помогне да го сфатите значењето на Веб 3.0 и да сфатите како е тоа значајно за маркетингот во голема мера!

Животинче

menadzmentmarketing — Fri, 13 Jan 2012 15:23:57 +0000

Ова лето додека си седевме со баба ми на тераса во мојот двор забележавме едно вакво мало бело бувче, неколку дена беше присутно и потоа го снема. Прв пат да видам одблиску такво слатко мало суштество.

Естетика, удобност, естетика и удобност

menadzmentmarketing — Thu, 05 Jan 2012 21:21:27 +0000

Што е битно кога купуваме еден производ како облека? Дали убаво да изгледа, да е модерно, да е во тренд? Што е тоа што ни е пресудно за да се одлучиме да го купиме? Еве сме нашле убави фармерки во некоја продавница, ги пробуваме на нас убаво стојат но пробуваме да се движиме со нив и осеќаме како нé стегаат и не се удобни. Се гледаме во огледало, убаво изгледаме во нив но не се чувствуваме пријатно. Што правите, ги купувате затоа што е најнова мода и сега тоа е во тренд. Но потоа ефектите од такви неудобни фармерки се одразуваат на нашето здравје во иднина, тешка циркулација на крвта во нозете, појава на целулит и ред други здраствени проблеми за кои не сме ни сонувале дека можат да се добијат од неудобна облека.

Потоа одиме во друга продавница за облека овој пат пробуваме некоја блуза, пробуваме повеќе разни модели и одеднаш СТОП. По петтиот пат облекуваме блуза која само што ја ставаме на нашето тело осеќаме колку пријатно се чувствуваме. Материјалот е така нежен и мек, како воопшто да немаме блуза на нас ставено, како да е дел од нашето тело. Сега се погледнуваме во огледало и си велиме: “Хм, па блузава не толку модерна, но колку добро се чувствувам.” Со оглед на тоа што денес ви било во план да мора да купите блуза и веќе сите продавници сте ги прошетале и оваа ви е последната, што правите во тој миг, ја купувате ли? Или одите во претходниот дуќан и од таму ја купувате онаа фенси блуза која на вас изгледа убаво ама чувството е како да имате пластика ставено на тело. Секој различно ќе се одлучи, нели.

Потоа идете во продавница за чевли и таму ги има најубавите и најтренди чевли, чевлите од вашите соништа! Конкретно вие сакате да купите штикли и ја замолувате продавачката да ви понуди нешто, бидејќи има преголем избор а вие немате време да разгледувате. И таа навистина ви ги одбира најубавите, најженствените чевли. Сега ги пробувате и се гледате во огледало. Колку само добро ви прилегаат, пробувате да зачекорите со нив и навистина чувството е како да носите Адидас патики толку меки и дури мислите дека газите на памук. А само колку сте убави во нив, совршени за вас! А сега ја соблекувате едната штикла и ја погледнувате цената на неа. Цената е исто така совршено добра, толку колку што не сте планирале да потрошите за денешното купување на чевли. Ги пробувате уште еднаш, се прошетувате низ продавницата за чевли, вашата пријателка ви потврдува дека тоа е прав избор за вас иако вие знаевте уште кога ги пробавте првиот пат.

Што правите? Ги купувате, или се враќате во претходната продавница и ги земате оние фенси и неудобни чевли кои за брзо време ќе си најдат вечно живеалиште во вашиот плакар за чевли. Естетика и удобност, најдобрата комбинација, само вештите купувачи успеваат да ги пронајдат тие производи а и да се со нормална цена. Заклучок: сите сакаме убави и модерни производи, ергономични, употребливи, удобни, пријатни, уникатни, трајни. Цените понекогаш и не се толку важни колку што е важно чувството што ни го дава производот, конкретно за денешнава тема тоа е облеката што сакаме да ја купиме. Како купувате вие, што ви е битно?

Преглед за посетеноста на овој портал во 2011 година

menadzmentmarketing — Tue, 03 Jan 2012 17:12:04 +0000

WordPress.com подготви годишен извештај за овој портал за изминатата 2011 год.

Еве ја експертизата:

Жичницата на нашата планина Водно во кабина собира по 8 луѓе . Овој блог беше погледнат 1.700 пати во 2011 година. Ако претставуваше кабина од жичницата, ќе требаше 213 пати да се искачува до врвот за да пренесе толку луѓе. Кликнете на линкот доле. Ве поздравува Весна С.

Click here to see the complete report.

Среќна Нова 2012 година

menadzmentmarketing — Wed, 21 Dec 2011 18:55:21 +0000

Драги луѓе сé што правете, правете со многу љубов.

Заспана смешка

menadzmentmarketing — Sat, 17 Dec 2011 11:33:05 +0000

Времево е така врнежливо, па за сите вредни луѓе еден добар виц:

Што се добива кога ќе се помеша јапонец и црногорец?

Одговор: човек што сака да работи а неможе да стане!

Но денес е сабота и е оправдано да се одмориме малку повеќе.

Лидерите во Македонија

menadzmentmarketing — Sat, 10 Dec 2011 21:53:39 +0000

Имав можност да присуствувам на еден интересен семинар т.е. обука за Лидерство на кој Сопственици односно Генерални Директори на компании од Македонија зборуваа и го споделуваа своето искуство и знаење. Навистина инспиративно беше времето поминато таму, тоа беа луѓе успешни во својата професија и несебични да го споделат своето знаење и да не поттикнат нас младите. Прва беше една директорка од компанија за Развој и управување на човечки ресурси, таа зборуваше за поставување цели и управување со времето и колку е битно сето тоа. На почетокот презентираше една посебна алатка за мерење на кое ниво се наоѓаме на 8-те битни полиња во животот: здравје, семејство и пријатели, богатство и пари, време за игра, врски, кариера, личен простор и општествен придонес (духовност). Таа алатка може да ја најдете и во книгата Услуга од пет ѕвезди од Мајкл Хлеп. Понатаму збореше колку е битно да се има мисија, цел, план за остварување, контрола и награда. Презентираше уште една мерка квадрант со 4-ри полиња за приоритизирање на задачи, како може да одредиме полесно која задача е битна да ја извршиме а која може да почека. Таа алатка може да ја надете во 7 навики на успешните луѓе од Стивен Кови. Потоа презентираше уште една интересна техника преку матрица за мерење на задачи. Бидејќи тука немам можност да ви ги нацртам, во некој иден текст ќе ги пренесам преку слика. Спомена 2 причини поради кои што го одолговлекуваме извршувањето на задачите: страв од неуспех и перфекционизам. Првото е јасно, а за второто значи дека понекогаш премногу време посветено на уредување на работите под конец, премногу правење анализи го запоставуваме она битното. Зборуваше за тоа колку е битно да си го цениме сопственото време и понекогаш да кажеме НЕ на љубезен начин. Кога работиме во тим на работно место треба да веруваме во колегите дека и тие исто толку добро можат да ја сработат задачата како нас и да им оставиме простор да се докажат. Втората директорка беше од една компанија за производство на козметика и промет на големо со лекови. Таа го опиша својот животен пат. Напочеток како студент по фармација со просек 9,9 веднаш забележана од наша голема фармацевтска компанија каде што почнала да работи во отсекот за комерција-продажба како менаџер и каде што се занимавала со анализа на пазар како да се задоволат потрошувачите, од тоа правеле налози и одредувале што понатаму да се произведува. Тука го стекнала првото лидерско искуство каде што напоменува колку е битно да се има добар тим, јасна и прецизна цел, добра комуникација и да не се преоптеретуваат соработнците. Понатаму преминала во друга компанија од иста дејност но сега како генерален директор во неа. Тука дошла до сознание како директор колку е битно да се сака претпријатието и луѓето што работат во компанијата и да тие имаат доверба во неа. По сите овие искуства во големи компании решава да си основа своја сопствена која до ден денес сеуште ја води. Вели дека полесно е да си Генерален директор во туѓа компанија отколку во своја, заради тоа што таму лесно се делегира работа на други, а во своја се треба сами да сработите. По овие две успешни жени лидери на своите компании, настапи еден независен консултант за развој на бизниси кој што имаше динамичен говор за тоа како тој ги разбира лидерите и светски примери за нив: Мајка Тереза, Ганди, Мендела, Стив Џобс, кажа за нив нешто заедничко а тоа е точката на пресврт во нивниот живот-фрустрација тоа ги натерало да станат лидери. Односно тој смета кога во моментот кога некој ве става премногу во стеги и ве притиска тогаш наместо негативно да делуваат овие луѓе и да им опадне моралот и духот тие презмаат обратни чекори односно прават продуктивни работи. Односно тука се гледа колку е битен здравиот разум како предиспозиција за лидерство. Тој ги поврза лидерите со претприемачи. А нивните карактерни особини се: храброст, чесност, упорност, самосвест, верба, желба, истрајност, иновативност, визија, одлучност и фрустрација-колку и да звучи чудно. Потоа настапи Генреалниот директор од една компанија која била прва во Македонија за посредување при вработување. Е тука имаше интересна животна приказна, како оние што ги читаме од литературите за претприемништво. Овој лидер збореше за значењето на харизмата т.е. се што тоа содржи: љубезност, насмевка, помагање на другиот, позитивен став. Според него претприемач и лидер не е исто, според мене е исто Таа дефиниција беше различна за говорниците на овој семинар. Овој директор на 28 год. ја основал својата фирма. Кажа дека полесно е да си втор и трет, а најтешко да си прв на пазарот, затоа што потоа на другите им е полесно да работат на разгазен пат. И спомена дека подобро да се работи со лојална конкуренција и да сте пријатели со нив отколку воопшто да ја нема. Рече да не се плашиме од конкуренција и кажа една одлична мисла: “Нивниот сон не е ваш сон”. Во оваа реченица се е кажано, колку и да се плашиме дека ќе ни го украдат и преземат тоа што го создаваме не е можно тоа да се случи затоа што не ви ги познаваат деталите на вашиот сон Тој спомена едни карактеристики за претприемачите кои не се учат туку ги имаш или ги немаш: ризик, физичка снага, интелегенција, решителност и висока енергија. А според овој директор Лидер е оној кој обожува: натпревар, да помага на другите и да победува-повеќе на духовно поле. Навистина прекрасни говорници беа сите овие сопственици на фирми, кои на нас младите ни го пренесоа своето знаење колку што им дозволи времето.

Етика во бизнисот

menadzmentmarketing — Sun, 27 Nov 2011 18:19:28 +0000

“Доволно добар е само највисокиот квалитет.”

Ова е мисла земена од принципите на работење на една успешна компанија. Во деловните односи е главен стремежот кон успех и заработувачка. Но, мошне се погрешни вообичаените мислења дека тоа води кон негирање или заборавање на моралните принципи, односно дека успехот може да се постигне со нивно отфрлање. Не е точно дека во деловниот свет треба да се постапува без почитување на моралот и со измама. Современите гледишта инсистираат токму на големото значење на строгата етичност во деловните односи. Нормално е кога сме напочеток на некоја работа да направиме грешка поради непознавање доволно на иста работа, но понатаму не смееме да ја повторуваме. Сето тоа заради долг опстанок на претпријатието во кое работиме и градење на позитивен имиџ и репутација на тој бизнис. Денес се повеќе се придава на значење на постоењето на “Етички кодекси” во корпорациите, но тоа навистина не е битно доколку истите принципи не се применуваат и почитуваат од нивните вработени. А за да има практична примена знаеме дека треба да се има создадено соодветна деловна клима и култура во претпријатијата. А кој ја создава? И тоа го знаеме. Од кого учат децата-од своите родители, така и вработените учат од своите директори-менаџери.

Деловноста е суштествен дел од економијата, а нејзината етика е примарна економска етика денес. Таа се однесува на моралните принципи, вреднување и однесување на полето на остварувањето на примарните задачи на економијата, како што се пронаоѓање на добра област за дејствување и вложување, заживување, добро искористување и ширење на капацитетите, вкупно добро водење на работите, што резултира со заработувачка, со задоволство и гордост од стореното и со напредок. Тука посебно спаѓаат и односите меѓу деловните партнери и една поопшта етика во деловниот свет каде што сите се поврзани во една целост и многустрано се соработува и претставува еден од начините на глобализација на економијата и светот.

Деловната етика се изразува преку грижата за квалитетот за производството, како и за текот и односите во производството, на раководењето во економијата-етика на менаџерството, во маркетингот, рекламата и сл. Тоа е морален систем состоен од чесност, збор, углед, доверба, почитување, достоинство, лојалност, морална функција. Сето тоа има големо значење за успешно одвивање на работата и на животот, за прогрес на личноста и за целото човештво. Оној со кого соработуваш како деловен партнер или како соработник во работата ти е најблизок во тој миг од животот и кон него однесувај се со почит, кооперативност и животна заинтересираност.

“Луѓето меѓусебно треба да се однесуваат на тој начин што од пријателите нема да создаваат непријатели туку непријателите ќе ги претворат во пријатели “- Питагора (582-496 п.н.е.)

*** Повеќе информации: “Деловна етика”- Д-р Олгица Блажеска, “Етика за млади”- Проф.д-р Кирил Темков